Ես Կարապետյան Մանյան եմ ։ Սովորում եմ «Մխիթար Սեբաստացի» կրթահամալիրի Քոլեջում, 1-ին կուրսում։ Դեռ կես տարի էլ չկա, ինչ այստեղ եմ սովորում, բայց տպավորությունն այնպիսին է, կարծես միշտ եղել եմ ։ Այստեղ շուտ մտերմացա և ընկերացա բոլորի հետ, նույնիսկ ուսուցիչների։ Առավոտյան արթնանալուն պես ուզում եմ շուտ հասնել Քոլեջ, որովհետև մթնոլորտն է ուրիշ, ավելի ջերմ, ավելի հավես։ Ինչ վերաբերվում է ուսմանը, ցանկացած առարկայի թեմա ուսումնասիրվում է ամբողջ խորությամբ, ոչինչ անհասկանալի չի մնում։ Ամեն օր անհամբեր սպասում եմ վաղվան, որ գնամ քոլեջ։ Այդ ամենին, իհարկե, նպաստում են նաև ընկերներս։
Կատարած աշխատանքներս ըստ առարկաների’
русский язык— Կատարել ենք թարգմանություններ, սովորել տեքստեր , անցել դարձվածքներ, կատարել տարբեր անհատական նախագծեր , օրինակ ՝ քոլեջի մասին նախագիծ, փաստեր լուսնի մասին և այլն։
english-Նույնպես կատարել ենք՝ անհատական նախագծեր, թարգմանություններ, առաջադրանքներ, սովորել մի քանի ժամանակաձևեր ։
հայոց լեզու — ուսումնասիրել ենք ՝ բառագիտությունը, գոյականը, ածականը, հոլովները, կատարել ենք՝ իմաստաբանական և բառակազմական առաջադրանքներ ։
հայոց պատմություն — Անրադարձել ենք ՝ Վանի թագավորությանը, Ուրարտական ճարտարապետությանը, Կարմիր բլրին, Երվանդունիներին, Արմավիր և Երվանդաշատ մայրաքաղաքներին , Արտաշեսյաններին, Տիգրան Մեծին և այլոնց։Ուսումնական նախագծով այցելել ենք Էրեբունի արգելոց ։
հանրահաշիվ-Կատարել ենք առաջադրանքներ
հասարակագիտություն — Քննարկումներ են եղել ՝ ազատության , հավասարության, հանդուրժողականության, արդարության, պատասխանատվության և այլ արժեքների մասին ։
ֆիզիկա— Լուծել ենք խնդիրներ տարբեր թեմաների վերաբերյալ , օրինակ՝ տեղափոխության, արագության , արագացման , կինետիկ և պոտենցիալ էներգիայի հետ կապված և այլն։
աշխարհագրություն-Ուսումնասիրել ենք ՝ Հայաստանի գետերը , ջրամբարները , մարզերի գլխավոր քաղաքները , հենց մարզերն իրենց մարզկենտրոններով։
գրականություն — Կարդացել ենք ՝ Վանո Սիրադեղյանի պատմվածքներից, Գ․ Զոհրաբի նովելներից, կատարել Փառանձեմ թագուհու մասին նախագիծ, պատրաստվում ենք շուտով կայանալիք ամանորյա գրական ակումբի։
էկոլոգիա— Ծանոթացել և ուսումնասիրել ենք բնապահպանական հիմնախնդիրերը։
կենսաբանություն-Մեր թեմաներն են եղել՝ կենդանի օրգանիզմի բաղադրությունը , օրգանական և անօրգանական նյութերը, վիրուսները, նուկլեինաթթուները, սպիտակուցի սինթեզը, ավտոտրոֆ և հետերոտրոֆ օրգանիզմները , քրոմոսոմի կառուցվածքը և այլն։
իսպաներեն — Սովորել ենք ՝ տառերը , նոր բառեր, թվեր, ժամեր , գույներ, բայեր ,
Մասնակցել եմ տարբեր նախագծերի, գրական ակումբի, և’ մեկօրյա և’ եռօրյա ճամփորդությունների , ուսումնասիրել եմ մեր ազգային երգ ու պարը,ներկա եղել առավոտյան պարապումքների, մասնակցել եմ նաև մեդիաուրբաթների, կատարել եմ ֆլեշմոբներ տարբեր առարկանաերից։
Իհարկե եղել են ու կան որոշակի դժվարություններ՝ առարկաների հետ կապված, բայց դա կուղղեմ ժամանակի հետ։
Ամեն օրս այստեղ իսկապես հետաքրքիր է անցնում, շատ-շատ խենթ ու խելառ բաներ ենք անում։ Որպես այդպիսին՝ ձախողում դեռ չեմ ունեցել, բայց ձեռքբերումներ կան։ Օրինակ՝ ընկերներս ամենալավ ձեռքբերումներից մեկն են։ Մի խոսքով՝ չեմ զղջում՝ հենց այստեղ սովորելու համար։